واشنگٹن(پاک ترک نیوز )مشرق وسطیٰ میں مستقل جنگ بندی کی امید پیدا ہو گئی ہے ، امریکی صدر ڈونلڈ ٹرمپ نے پاکستان میں ایران کے ساتھ دوبارہ مذاکرات شروع کرنے کا عندیہ دے دیا ہے ،،امریکی صدر ڈونلڈ ٹرمپ نے ایران کے ساتھ آئندہ مذاکرات کے لیے پاکستان کو ترجیحی مقام قرار دیتے ہوئے فیلڈ مارشل جنرل عاصم منیر کی کارکردگی کو سراہا،امریکی صدر نے کہا آئندہ دو دن میں بہت کچھ ہو سکتا ہے ،مذاکرات کے لیے پاکستان کا انتخاب زیادہ ممکن ہے کیوں کہ فیلڈ مارشل عاص منیر بہترین کام کر رہے ہیں فیلڈ مارشل کی کارکردگی کے باعث امریکا مذاکرات کے لیے دوبارہ پاکستان جانے پر غور کر رہا ہے۔ادھر ماہرین کی سطح پر اتفاق کے باوجود امریکی حکام کی ہٹ دھرمی معاہدے کی راہ میں حائل ہے،امریکی حکام کے بے جا مطالبات اور سیاسی عزم کی کمی نے ڈیل کو مشکل بنا دیا ہے،ایران معاہدے کے لیے تیار ہے،لیکن واشنگٹن حتمیٰ فیصلے سےگریزاں ہے۔امریکا اور ایران کے مذاکرات کامیاب ہوں گے یا ناکام اس کا فیصلہ تو وقت کرے گا مگر ماہرین کا کہنا ہے کہ اس بار لگتا ہے کہ ڈیل ہو جائے گی اور خطے میں امن کی کوششیں کامیاب ہوجائیں گی
ٹرمپ کا پاکستان میں دوبارہ مذاکرات کا عندیہ
