کراچی(پاک ترک نیوز) کراچی میں ایرانی سپریم لیڈر کی شہادت کے بعد مشتعل مظاہرین نے امریکی قونصل خانے پر دھاوا بول دیا، جھڑپوں میں 9 مظاہرین جاں بحق اور متعدد زخمی ہوگئے۔
پولیس کی جانب سے مظاہرین کو منتشر کرنے کیلئے آنسو گیس کا استعمال کیا جس کے جواب میں مظاہرین کی جانب سے پتھراؤ کیا گیا۔ مشتعل مظاہرین نے سلطان آباد میں ٹریفک پولیس کی چوکی اور ایک موٹر سائیکل کو نذرآتش کردیا۔احتجاج کے باعث نمائش چورنگی جانے والے راستے ٹریفک کیلئے بند کردیے گئے، ٹریفک کو متبادل راستہ فراہم کیا جارہا ہے۔
کراچی میں ایم ٹی خان روڈ پر مظاہرین نے امریکی قونصل خانے میں داخل ہونے کی کوشش کی، اس دوران مظاہرین پر سیدھی فائرنگ کی گئی جس میں 9 افراد کے جاں بحق ہونے کی تصدیق ہوگئی ہے جبکہ متعدد افراد زخمی ہیں، زخمیوں کو سول اور جناح اسپتال منتقل کیا گیا۔
ایرانی سپریم لیڈر آیت علی خامنہ ای کی شہادت کے بعد پاکستان سمیت دنیا بھر میں امریکی قونصل خانوں کے باہر شدید احتجاج کا سلسلہ شروع ہو گیا۔
پاکستان میں پنجاب کے صوبائی دارالحکومت لاہور میں امریکی قونصل خانے کی جانب مظاہرین نے جانے کی کوشش کی مگر پولیس کی جانب سے روک دیا گیا مظاہرین نے پریس کلب کے باہر دھرنا دیدیا۔
کراچی میں مظاہرین کی بڑی تعدادنے قونصل خانے کے اطراف شدید احتجاج کیا گیا جس کے باعث سلطان آباد سے مائی کولاچی آنے اور جانے والے دونوں روڈز کو بند کردیا گیا ۔ایڈیشنل آئی جی کراچی آزاد بھی امریکی قونصل خانے پہنچ گئے اور مظاہرین کو پیچھے دھکیل دیا گیا۔
بنانی دارالحکومت بیروت میں امریکی سفارت خانے کے اطراف غیر معمولی سرگرمیوں کی اطلاعات سامنے آئی ہیں۔سفارت خانے کی جانب تیزی سے بڑھتے ٹرک دیکھے گئے جبکہ کچھ دیر بعد فائرنگ کی آوازیں بھی سنی گئیں۔ تاہم واقعے کی سرکاری سطح پر تصدیق یا تفصیلات فوری طور پر جاری نہیں کی گئیں۔
بغدار میں بھی امریکی سفارت خانے کے باہر مظاہرے شروع ہوگئے۔ ایران کے سپریم لیڈر علی خامنہ ای شہادت کے بعد عوام کی بڑی تعداد سڑکوں پر نکل آئی اور گرین زون کی جانب بڑھنے کی کوشش کی۔
اسی طرح دیگر ممالک میں شدید احتجاج کا سلسلہ شروع ہو گیا ہے ۔
کراچی میں مظاہرین کی امریکی قونصلیٹ میں داخلے کی کوشش، جھڑپوں میں 9 افراد جاں بحق
