کراچی ( پاک ترک نیوز) پیپلز پارٹی کے چیئرمین بلاول بھٹو زرداری نے کراچی میں رینجرز ہیڈکوارٹر پر دہشت گرد حملے کے ماسٹر مائنڈ کی گرفتاری بڑی کامیابی قرار دے دیا ،کہتے ہیں اس کامیابی پر پولیس، رینجرز، انٹیلی جنس اداروں اور تمام قانون نافذ کرنے والے اداروں سمیت پاک افواج کو خراج تحسین پیش کرتے ہیں ۔
بلاول بھٹو زرداری نے کہا یہ اہم کامیابی ہمارے اداروں کی پیشہ ورانہ صلاحیت اور دہشت گردی کے مکمل خاتمے کے غیرمتزلزل عزم کا واضح ثبوت ہے،پاکستان کے خلاف استعمال ہونے والی سرزمین کے معاملے کو سفارتی، قانونی اور سیکیورٹی سطح پر پوری سنجیدگی کے ساتھ آگے بڑھایا جانا چاہیے۔
یہ بھی پڑھیں: کراچی میں رینجرز کیمپ پر حملے کی منصوبہ بندی افغانستان میں کی گئی
بلاول بھٹو زرداری نے کہا دہشت گردوں کو پناہ دینے اور سرپرستی کرنے والے بھی ان بزدلانہ حملوں کے مرتکب دہشت گردوں کے برابر کے مجرم ہیں، کراچی سمیت ملک کے کسی بھی علاقے میں امن و امان سبوتاژ کرنے کی دشمن کی سازش کو کامیاب ہونے نہیں دیں گے۔پوری قوم اپنے محافظوں کے شانہ بشانہ کھڑی ہے۔
