کراچی ( پاک ترک نیوز) کراچی ملیر کے علاقے گلشنِ قادری کے قریب تین بوریوں میں بند ایک شخص کی کٹی ہوئی لاش برآمد ہوئی ہے۔ریسکیو حکام کے مطابق لاش کو قانونی کارروائی کے لیے اسپتال منتقل کردیا گیا، جبکہ پولیس حکام کا کہنا ہے کہ مقتول کی شناخت تاحال نہیں ہوسکی۔
پولیس کے مطابق بظاہر مقتول نوجوان کی عمر 30 سے 35 سال کے درمیان معلوم ہوتی ہے۔ لاش کے قریب سے کوئی ایسی چیز بھی نہیں ملی جس سے مقتول کی شناخت ہوسکے۔
یہ بھی پڑھیں: کراچی میں تین بوریوں میں کٹی ہوئی لاش برآمد
پولیس حکام کے مطابق نوجوان کو بے دردی سے قتل کیا گیا اور لاش کے تین ٹکڑے کیے گئے۔ لاش کو پوسٹ مارٹم کے لیے اسپتال منتقل کیا جا رہا ہے۔
پولیس اور متعلقہ اداروں نے جائے وقوعہ سے شواہد اکٹھے کرنا شروع کردیئے ہیں، جبکہ واقعے کی تمام پہلوؤں سے تفتیش جاری ہے۔ مقتول کی شناخت اور قتل کے محرکات کا تعین تحقیقات کے بعد ہی ہوسکے گا۔
