بانی سے ملاقات بند،پارٹی رہنما پھر ناکام ،پولیس کی پکڑ دھکڑ

راولپنڈی(پاک ترک نیوز )تحریک انصاف کے رہنماؤں کو اڈیالہ جیل میں قید بانی پی ٹی آئی کو پھر ملاقات نہیں کرنے دی گئی ، اڈیالہ جیل میں ملاقات کا وقت ختم ہونے پر علیمہ خان،بیرسٹر گوہر اور دیگر رہنما ناکام واپس لوٹ گئے ۔اڈیالہ جیل کے ناکے پر پولیس نے ایکشن کرتے ہوئے چند ورکرز کو گرفار کر لیا ،ادھر پی ٹی آئی بانی کے دفاع میں اپنی ناکامیوں کا ملبہ بھی عدالتوں پر ڈالنے لگی،ایک صحافی نے علیمہ خان سے سوال کیا آپ تو عمران خان کی بہنیں ہیں وہ وکلاء اور لیڈنگ کونسلز کدھر ہیں جنھوں نے کروڑوں روپے لئے، وہ کچھ نہیں کر رہے،نظر نہیں آتے، آپ ان سے سوال کیوں نہیں۔ علیمہ خان نے جواب دیا جن عدالتوں میں ہم جارہے ہیں وہاں خاص جج لائے گئے ہیں،ایسے جج جو عمران خان کا کیس نہ سنیں،واضح رہے کہ بانی پی ٹی آئی کافی عرصے سے جیل میں بند ہیں اور حکومت کی طرف سے چھ ماہ سے زائد وقت گزر جانے کے باوجود ان کی ملاقات نہیں کرائی جا رہی ،