سلہٹ ( پاک ترک نیوز) پاکستان اور بنگلہ دیش کے درمیان جاری دوسرے ٹیسٹ میچ میں دوسرا دن بنگلہ دیش کے نام رہا ۔
بنگلہ دیش نے دوسرے دن کے اختتام پر اپنی دوسری اننگز میں تین وکٹوں کے نقصان پر 110رنز بنا لئے ۔ پاکستان پر برتری 156رنز ہو گئی ۔
بنگلہ دیش کی جانب سے دوسری اننگز میں محمود الحسن نے 52رنز بنائے ،تنزید حسن 4جبکہ مومن الحق 30رنز بنا کر آئوٹ ہوئے ۔ کپتان نجم الحسن شینتو 13رنز بنا کر کریز پر موجود ہیں ۔
پاکستان کی جانب سے خرم شہزاد نے 2جبکہ محمد عباس نے ایک کھلاڑی کو آئوٹ کیا ۔
اس سے قبل پاکستان نے اپنی پہلی اننگز میں بنگلہ دیش کے 278رنز کے جواب میں 232رنز بنائے تھے ۔
پاکستان کی جانب سے بابر اعظم نے 68جبکہ ساجد خان نے 38رنز سکور کئے تھے ۔
واضح رہے کہ دو میچوں کی سیریز میں میزبان بنگلہ دیش کو ایک صفر کی ناقابل شکست برتری حاصل ہے ۔
سلہٹ ٹیسٹ کا دوسرا دن بنگلہ دیش کے نام،پاکستان پر 156رنز کی برتری
