واشنگٹن (پاک ترک نیوز )ایران جنگ کے آغاز کے بعد پہلی بار امریکی وزیر جنگ پیٹ ہیگستھ اور امریکی چیئرمین جوائنٹ چیفس آف اسٹاف جنرل ڈین کین کانگریس کی ہاؤس آرمڈ سروسز کمیٹی کے سامنے پیش ہوگئے۔
امریکی وزیر جنگ پیٹ ہیگستھ نے کانگریس سے شکوہ کرتے ہوئے کہا کہ ٹرمپ انتظامیہ کو ایران جنگ سے بڑا چیلنج کانگریس ارکان کی مخالفت کا ہے۔ ابھی جنگ شروع ہوئے صرف 2 ماہ ہوئے ہیں۔ یہ امریکا کی بقا کی جنگ ہے ، ہم امریکاکو محفوظ بنانے کیلئے کام کر رہے ہیں۔۔ ایران کے ساتھ جنگ، عراق، افغانستان اور ویتنام کی جنگوں سے بہت چھوٹی ہے۔ لیکن جو سب سے بڑا چیلنج اس وقت درپیش ہے وہ ڈیموکریٹس اور کچھ ری پبلکنز کی جنگ مخالفت اور حوصلہ شکن اور لاپراہی والے بیانات ہیں۔
جنرل ڈین کین نے کہا کہ امریکی فوج دنیا کی سب سے منظم اور پیشہ ورفوج ہے، ایران جنگ میں اپنے اہداف حاصل کرنے میں کامیاب رہے، امریکا کو مزید بنانے کیلئے کوششیں کر رہے ہیں۔ایران کو کسی صورت جوہری ہتھیار رکھنے کی اجازت نہیں دے سکتے۔
