واشنگٹن (پاک ترک نیوز ) امریکی صدر ڈونلڈ ٹرمپ کا کہنا ہے ایران جوہری ہتھیار نہیں رکھ سکتا، تاہم اگر ایران کا جوہری پروگرام بیس سال کے لیے معطل ہو جائے تو انہیں اس پر کوئی اعتراض نہیں ہوگا، چند دنوں میں ایرانی تیل خریدنے والی چینی کمپنیوں پر عائد پابندیاں اٹھانے کے حوالے سے فیصلہ کریں گے۔
ڈونلڈ ٹرمپ نے دعویٰ کیا کہ آبنائے ہرمز کے ذریعے ایران یومیہ 500 ملین ڈالر کا کاروبار کرتا ہے اور ناکہ بندی کے ذریعے ایران کی تجارت کو روکا گیا، ان کے مطابق جنگ بندی کا فیصلہ دیگر ممالک کی درخواست پر کیا گیا۔
طیارے میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا کہ تاحال تائیوان کو ہتھیار فراہم کرنے کی منظوری نہیں دی گئی، تاہم ممکن ہے منظوری دی جائے اور ممکن ہے نہ دی جائے۔
تائیوان سے متعلق امریکی پالیسی میں کوئی تبدیلی نہیں آئی اور انہوں نے تائیوان کے حوالے سے کوئی وعدہ بھی نہیں کیا۔ چینی صدر شی جن پنگ کے ساتھ شمالی کوریا، جوہری ہتھیاروں میں کمی اور دیگر اہم امور پر بات چیت کی جبکہ ٹیرف کے معاملے پر کوئی گفتگو نہیں ہوئی،چین امریکا سے اربوں ڈالر کا سویا بین خریدے گا۔
امریکی صدر نےایک بار پھر وزیراعظم شہباز شریف اور فیلڈ مارشل عاصم منیر کی تعریف کر دی
