اسلام آباد (پاک ترک نیوز )وزیراعظم شہباز شریف اور ایرانی صدر ڈاکٹر مسعود پزشکیان کے درمیان ٹیلی فونک رابطہ ہوا ہے ،دونوں رہنماؤں کی خطے کی موجودہ صورتحال پر تفصیلی گفتگو، ایرانی صدر اور وزیراعظم کے رابطے میں ایران امریکہ مذاکرات کے حوالے سے تبادلہ خیال کیا گیا
اس سے پہلے ایرانی وزیر خارجہ کی وزیراعظم شہباز شریف سے اہم ملاقات ہوئی ،ایرانی وزیر خارجہ نے وزیراعظم کو ایرانی قیادت کے مؤقف سے تفصیلی طور پر آگاہ کیا، خطے کی موجودہ صورتحال اور ایران امریکا جنگ بندی پر دونوں رہنماؤں کے درمیان تفصیلی مشاورت کی گئی
ایران نے امریکہ کے ساتھ مذاکراتی امور پر خدشات سے متعلق پاکستانی قیادت کو اعتماد میں لیا، وزیراعظم شہباز شریف نے خطے میں امن و استحکام کے لیے سفارتی کوششوں کے فروغ پر زور دیا،پاکستان اور ایران کے درمیان دوطرفہ تعلقات اور باہمی تعاون بڑھانے پر اتفاق کیا گیا،،خطے میں کشیدگی کم کرنے اور مذاکرات کے تسلسل کی اہمیت پر زور دیا گیا
وزیراعظم نے کہا پاکستان خطے میں امن کے لیے ہر ممکن کردار ادا کرتا رہے گا،ایرانی وزیر خارجہ نے پاکستان کی سفارتی کاوشوں کو سراہا، دونوں ممالک نے امن، استحکام اور بات چیت کے ذریعے مسائل کے حل پر اتفاق کیا ۔
