لاہور( پاک ترک نیوز) پاکستان سپر لیگ ( پی ایس ایل ) کے سیزن 11کا میلہ آج سے سجے گا ۔
شائقین کرکٹ کی دھڑکنیں بےترتیب ہونے لگی ہیں ۔ پاکستان میں کرکٹ کا میلہ پی ایس ایل کے نئے سیزن 11کا آج سے آغاز ہونے جا رہا ہے ۔افتتاحی میچ میں دفاعی چیمئپن لاہور قلندرز اور حیدر آباد کنگز مین کی ٹیمیں کل قذافی سٹیڈیم میں مد مقابل آئیں گی ۔
لاہور قلندرز کی قیادت شاہین شاہ آفریدی کریں گے جبکہ حیدر آباد کے کپتان مارکوس لبھوشن کے ہاتھوں میں ہے۔اب تک میگا ایونٹ کے 10ٹورنامنٹ ہو چکے ہیں جہاں اسلام آباد یونائیٹڈ اور لاہورقلندرز 3،3بار ٹرافی اپنے نام کر چکے ہیں ۔ ملتان سلطانز ، پشاور زلمی ، کراچی کنگز اور کوئٹہ گلیڈی ایٹرز ایک ایک بار ٹائٹل جیت چکے ہیں ۔2025میں لاہور قلندرز نے ٹرافی اپنے نام کی تھی اوروہ اس وقت دفاعی چیمپئن ہیں ۔میچ سے قبل ہونے والی افتتاحی تقریب منسوخ کردی گئی ہے ۔
اس بار یہ میلہ بغیر تماشائیوں کے سجے گا ۔
پی ایس ایل 11کے پرانے شیڈول میں 44 میچز 6 مختلف شہروں میں کھیلے جانے تھے تاہم اب 22 میچز کراچی اور 22 کی میزبانی لاہور کرے گا۔چیئرمین پی سی بی محسن نقوی نے پریس کانفرنس میں کہا تھا کہ مجھے یقین ہے کہ آج کی یہ قربانی کل کی آسانی بن کر سامنے آئے گی۔
