اسلام آباد (پاک ترک نیوز ) نائب وزیرِاعظم اسحاق ڈار اور ایرانی وزیرِ خارجہ عباس عراقچی کے درمیان ٹیلیفونک رابطہ ہوا ہے ،ترجمان دفترِ خارجہ طاہر حسین اندرابی کے مطابق گفتگو میں خطے کی مجموعی صورتِ حال، جاری کشیدگی اور امن و استحکام کے فروغ پر تبادلۂ خیال کیا گیا
، پاکستان نے کشیدگی کے خاتمے اور فریقین کے درمیان مکالمے کے فروغ کے لیے اپنی سفارتی کوششوں سے آگاہ کیا۔ایرانی وزیرِ خارجہ نے خطے میں پاکستان کے تعمیری کردار اور مخلصانہ ثالثی کی کوششوں کو سراہا۔
نائب وزیراعظم اسحاق ڈار نے اس بات کا اعادہ کیا ہے کہ مسائل کا پائیدار حل صرف بات چیت اور سفارتکاری کے ذریعے ہی ممکن ہے۔
دونوں رہنماؤں نے علاقائی امن و استحکام کے لیے مشترکہ کاوشیں جاری رکھنے اور سفارتی روابط مزید مضبوط بنانے کے عزم کا اظہار کیا۔
