کراکس : (پاک ترک نیوز)وینزویلا کے صدر نکولاس مادورو کی ایک پرانی ویڈیو ایک بار پھر سوشل میڈیا پر گردش کر رہی ہے، جس میں وہ یہ کہتے ہوئے نظر آتے ہیں کہ اسرائیل کا نظریہ ’نازی ازم سے بھی زیادہ خطرناک‘ ہے اور یہ فلسطین میں نسل کشی کر رہا ہے۔
دوسری جانب ایک اور ویڈیو میں وینزویلا کے صدر نکولاس مادورو کو اپنی سالگرہ مناتے ہوئے عوام کے سامنے فلسطینی کفیہ پہنےدیکھا گیا۔ اس اسکارف پر عربی زبان میں دو جملے درج تھے: ایک میں لکھا تھا “ہم سب غزہ ہیں” اور دوسرے میں “طوفان الاقصیٰ” یا “الاقصیٰ کا سیلاب” کا حوالہ دیا گیا تھا۔یہ ویڈیوز ایسے وقت میں سامنے آئی ہیں جب عالمی سطح پر اہم جغرافیائی اور سیاسی تبدیلیاں رونما ہو رہی ہیں۔
گزشتہ روز امریکی خصوصی افواج نے وینزویلا میں بڑے پیمانے پر کارروائی کی، جس کے دوران صدر نکولاس مادورو اور ان کی اہلیہ کو گرفتار کر لیا گیا۔ امریکی صدر ڈونلڈ ٹرمپ نے اعلان کیا کہ صدر کی گرفتاری اور ملک سے برطرفی کے بعد، عبوری انتظامات طے پانے تک امریکہ عارضی طور پر وینزویلا کا انتظام سنبھالے گا۔
