بھارتی عدالت نے آسیہ اندرابی کو مجرم قرار دیدیا

نئی دہلی : (پاک ترک نیوز)بھارت کی عدالت نے کشمیری رہنما آسیہ اندرابی سمیت تین خواتین کو سیاسی مقدمے میں مجرم قرار دے دیا ہے۔
عدالت نے اسی کیس میں فہمیدہ صوفی اور ناہیدہ نسرین کو بھی مجرم قرار دیا ہے۔کشمیر میڈیا سروس کے مطابق ان تینوں حریت پسند خواتین کو سزائیں 17 جنوری کو سنائی جائیں گی۔
مقدمات نیشنل انویسٹی گیشن ایجنسی کے زیرِ نگرانی دائر کیے گئے تھے اور آسیہ اندرابی کو اپریل 2018 میں گرفتار کیا گیا تھا۔
آسیہ اندرابی کے شوہر عاشق حسین تین دہائیوں سے بھارتی قید میں ہیں، اور انہیں بھی سیاسی بنیادوں پر مقدمات کا سامنا ہے۔
کشمیر میں انسانی حقوق کے ماہرین نے اس فیصلے کو سیاسی دباؤ اور کشمیری قیادت کو دبانے کی کوشش قرار دیا ہے، جبکہ عالمی برادری کی بعض حلقوں نے اس فیصلے پر تشویش کا اظہار کیا ہے۔
اس مقدمے اور فیصلے سے مقامی کشمیری خواتین اور سیاسی کارکنوں میں شدید تشویش اور ردعمل پایا جا رہا ہے، اور انسانی حقوق کے گروپس نے بھارت سے انصاف اور قانونی شفافیت کا مطالبہ کیا ہے۔