لاہور: (دنیا نیوز) ضمنی انتخابات میں مسلم لیگ ن نے میدان مار لیا، صرف ایک نشست پر پیپلزپارٹی کا امیدوار کامیاب ہوسکا۔
لیگی کارکنوں نے جیت کا جشن منایا، مٹھائیاں تقسیم کیں، ڈھول کی تھاپ پر بھنگڑے ڈالے، کارکنوں نے شیر آیا، شیر آیا کی نعرے بازی کی، آتش بازی کا بھی شاندار مظاہرہ کیا گیا۔
پنجاب میں قومی اسمبلی کے غیر حتمی اور غیرسرکاری نتائج کے مطابق قومی اسمبلی کے حلقہ 129 میں مسلم لیگ ن کے امیدوار حافظ میاں نعمان 63 ہزار 441 ووٹ لیکر کامیاب قرار پائے جبکہ آزاد امیدوار ارسلان احمد 29 ہزار 99 ووٹ حاصل کرسکے، آزاد امیدوار بجاش خان نیازی 6264 ووٹ حاصل کرسکے۔
اسی طرح حلقہ این اے 104 فیصل آباد کے تمام 375 پولنگ سٹیشن کے غیر حتمی غیر سرکاری نتائج کے تحت مسلم ليگ(ن) کے دانیال احمد 52 ہزار 791 ووٹ لیکر کامیاب ہوگئے، ان کے مدمقابل آزاد امیدوار رانا عدنان جاوید 19 ہزار 262 ووٹ لیکر دوسرے نمبر پر رہے۔
دوسری جانب این اے18ہری پور کے غیرحتمی غیر سرکاری نتائج کے مطابق مسلم لیگ ن کے امیدوار بابر نواز خان ایک لاکھ 63 ہزار 996 ووٹ لیکر کامیاب ہوگئے جبکہ آزاد امیدوار شہر ناز عمر ایوب ایک لاکھ 20 ہزار 220 ووٹ لیکر دوسرے نمبر رہیں۔
حلقہ این اے 185 ڈیرہ غازی خان 2 کے غیر حتمی و غیر سرکاری نتائج کے تحت مسلم ليگ(ن) کے محمود قادر خان جیت گئے، پیپلز پارٹی کے دوست محمد کھوسہ دوسرے نمبر پر رہے، ن لیگ کے محمود قادر خان نے 82413 ووٹ لیکر کامیابی حاصل کی، پیپلزپارٹی کے دوست محمد کھوسہ 48262 ووٹ لے سکے۔
این اے 143 چیچہ وطنی کے مکمل غیر حتمی غیر سرکاری نتائج کے مطابق ن لیگ نے کامیابی حاصل کرلی، ن لیگ کے طفیل جٹ 1 لاکھ 36 ہزار 313 ووٹ لیکر کامیاب ہوئے، آزاد امیدوار ضرار اکبر 13 ہزار 120 ووٹ لے سکے۔
حلقہ این اے 96 فیصل آباد کے تمام پولنگ سٹیشنز کے غیر حتمی غیر سرکاری نتائج کے مطابق مسلم ليگ(ن) کے محمد بلال بدر 93 ہزار 9 ووٹ لیکر کامیاب ہوگئے، جبکہ آزاد امیدوار نواب شير وسير 43 ہزار 25 ووٹ لیکر دوسرے نمبر پر رہے۔
پنجاب اسمبلی کے حلقوں کےغیرحتمی اور غیر سرکاری نتائج کے مطابق پنجاب اسمبلی کے حلقہ پی پی 73 سرگودھا کے غیر حتمی غیر سرکاری نتائج کے تحت مسلم ليگ(ن) کے میاں سلطان علی رانجھا 71 ہزار 770 ووٹ لیکر کامیاب ہوگئے جبکہ ان کے مدمقابل آزاد امیدوار مہر محسن رضا 12970 ووٹ لیکر دوسرے نمبر پر رہے۔
پنجاب اسمبلی کے حلقہ پی پی 87 میانوالی 3 کے غیر حتمی غیر سرکاری نتائج کے مطابق مسلم ليگ(ن) کے علی حیدر نور خان نیازی 67870 ووٹ لیکر پہلے نمبر پر آگئے، ان کے مدمقابل آزاد امیدوار محمد ایاز خان نیازی 6368 ووٹ لیکر دوسرے نمبر پر رہے۔
اسی طرح پنجاب اسمبلی کے حلقہ پی پی 98 فیصل آباد 1 کے تمام پولنگ سٹیشنز کے نتائج کے مطابق ن لیگ کے آزاد علی تبسم 44 ہزار 388 ووٹ لیکر کامیاب ہوگئے جبکہ ان کے مدمقابل آزاد امیدوار محمد اصغر ملک 35 ہزار 246 ووٹ لیکر دوسرے نمبر پر رہے۔
پنجاب اسمبلی کے حلقہ پی پی 115 فیصل آباد 18 کے غیر حتمی غیر سرکاری نتائج کے مطابق ن لیگ کے محمد طاہر پرویز 49046 ووٹ لیکر کامیاب ہوگئے جبکہ ان کے مدمقابل آزاد امیدوار محمد اصغر 1898 ووٹ لیکر دوسرے نمبر پر رہے۔
پنجاب اسمبلی کے حلقہ پی پی 116 فیصل آباد 19 کے تمام پولنگ سٹیشنز کے غیر حتمی غیر سرکاری نتائج کے مطابق مسلم ليگ (ن) کے احمد شہریار 48 ہزار 824 ووٹ لیکر پہلے نمبر پر رہے، آزاد امیدوار ملک اصغر علی قیصر 11 ہزار 429 ووٹ لیکر دوسرے نمبر پر رہے۔
پنجاب اسمبلی کے حلقہ پی پی 203 چیچہ وطنی کے غیر حتمی غیر سرکاری نتائج کے تحت مسلم ليگ (ن) کے چودھری حنیف جٹ کامیاب ہوگئے، آزاد امیدوار فلک شیر دوسرے نمبر پر رہے، ن لیگ کے چودھری حنیف جٹ 46820 ووٹ لیکر کامیاب ہوئے، آزاد امیدوار فلک شیر 10ہزار975 ووٹ لیکر دوسرے نمبر پر رہے۔
پنجاب اسمبلی کے حلقہ پی پی 269 مظفر گڑھ کے غیر حتمی و غیر سرکاری نتائج کے مطابق پیپلزپارٹی کے میاں علمدارعباس قریشی 55ہزار 868 ووٹ لیکر کامیاب قرار پائے، جبکہ ان کے مدمقابل آزاد امیدوار محمد اقبال خان پتافی دوسرے نمبر پر رہے۔
ضمنی انتخابات: ن لیگ نے میدان مار لیا، کارکنوں کا جشن، بھنگڑے، مٹھائیاں تقسیم
