دبئی ( پاک ترک نیوز) پاکستان کو ایشیا کپ انڈر 19میں سیمی فائنل میں رسائی حاصل کرنے کیلئے متحدہ عرب امارات پر لازمی فتح درکار ہے۔
ایشیا کپ انڈر 19کے 10ویں میچ میں پاکستان کا مقابلہ کل یو اے ای سے ہوگا ۔پاکستان کو سیمی فائنل میں جگہ بنانے کیلئے لازمی جیت درکار ہے ۔پاکستانی وقت کے مطابق یہ میچ دن 10بجے آئی سی کرکٹ اکیڈمی میں کھیلا جائے گا ۔
پاکستان نے دو میچز میں سے ایک میں کامیابی حاصل کر رکھی ہے۔ پاکستان نے ملائیشیا کوشکست دی تھی جبکہ اسے روایتی حریف بھارت سے شکست کا سامنا کرنا پڑا تھا ۔ یو اے ای کو بھارت کے ہاتھوں شکست اٹھانا پڑی تھی جبکہ ملائیشیا کیخلاف جیت کے باعث اس کے سیمی فائنل میں جانے کے امکانات روشن ہے ۔ کل پاکستان کیخلاف جیت کی صورت میں وہ سیمی فائنل کا ٹکٹ کٹوا سکتا ہے ۔
