دبئی ( پاک ترک نیوز) ویمنز ایشیا کپ میں روایتی حریفوں کا ٹاکرا آج ہو رہا ہے ،ایک طرف ہو گا پاکستان تو دوسری طرف ہندوستان ، بڑا ٹاکرا ہو گا دبئی کے میدان میں
ویمن ایشیا کپ میں وہ مقابلہ آ گیا ہے جس کا شائقین کو بے صبری سے انتظار تھا۔آج ہوگا پاک بھارت ٹاکرا۔۔۔ لیکن سوال یہ ہے، جیت کس کی ہوگی؟
یہ بھی پڑھیں: محسن نقوی ویمنز ایشیا کپ کا فائنل دیکھیں گے ،فاتح ٹیم کو ٹرافی دینگے
پاکستان اور بھارت کی ویمن ٹیموں کے درمیان مقابلہ آج ہو رہا ہے ، پاکستانی ٹیم تھائی لینڈ کو شکست دے کر پراعتماد ہے، جبکہ بھارت نے ہانگ کانگ کو 137 رنز سے روند کر خطرے کی گھنٹی بجا دی ہے۔
بھارتی بلے باز سمرتی مندھانا نے ہانگ کانگ کے خلاف صرف 64 گیندوں پر 124 رنز کی طوفانی اننگز کھیل کر مندھانا نے تاریخ رقم کردی۔
لیکن۔۔۔کیا پاکستانی بولرز اس بھارتی طوفان کو روک پائیں گی؟
یا فاطمہ ثنا کی قیادت میں پاکستانی ٹیم دبئی میں ایسا وار کرے گی کہ بھارت کے سارے منصوبے دھرے کے دھرے رہ جائیں گے؟دوسری طرف بھارت کی کپتان ہرمن پریت کور بھی میدان میں ہیں۔یعنی ایک طرف فاطمہ ثنا کی پلٹن۔۔۔ دوسری طرف ہرمن پریت کی فوج!یہ صرف رنز اور وکٹوں کا مقابلہ نہیں۔یہ دباؤ، اعصاب اور عزت کا امتحان بھی ہے۔
پاکستان جانتا ہے کہ بھارت کو شکست دینا آسان نہیں، لیکن پاک بھارت میچ میں ایک لمحہ۔۔۔ ایک گیند۔۔۔ ایک کیچ۔۔۔ پورا میچ بدل سکتا ہے۔اور یہی تو اس مقابلے کا اصل سسپنس ہے۔کیا پاکستانی بیٹرز بھارتی بولنگ کو تہس نہس کریں گی؟کیا پاکستانی اسپنرز مندھانا اور بھارتی بیٹنگ کا طوفان روک پائیں گی؟یا بھارت ایک بار پھر میدان مار لے گا؟
