لاہور( پاک ترک نیوز) اے سی سی کے صدر محسن نقوی ویمن ایشیا کپ کے فائنل کے موقع پر دبئی جائیں گے اور اختتامی تقریب کے مہمانِ خصوصی ہوں گے۔ فائنل کے بعد محسن نقوی انعامات تقسیم کریں گے، جبکہ ایشیا کپ کی فاتح ٹیم کو ٹرافی بھی اے سی سی صدر ہی پیش کریں گے۔اب ایک بار پھر سوال گردش کر رہا ہے کہ اگر بھارتی ویمن ٹیم فائنل جیتتی ہے تو کیا وہ محسن نقوی سے ٹرافی وصول کرے گی؟
یہ بھی پڑھیں: لندن پھر سیاسی سرگرمیوں کا مرکز ، بلاول بھٹو کی صدر زرداری سے 5گھنٹے طویل ملاقات
گزشتہ سال بھارتی ٹیم کے ٹرافی وصول نہ کرنے کے معاملے پر شدید بحث ہوئی تھی اور اس اقدام کو کھیلوں کی روح کے منافی قرار دینے والے بھی سامنے آئے تھے۔ویمن ایشیا کپ کا فائنل 13 ستمبر کو دبئی میں کھیلا جائے گا، جبکہ ٹورنامنٹ میں پاکستان اور بھارت کا گروپ میچ آج 5 ستمبر کو شیڈول ہے۔
