پرتھ (پاک ترک نیوز ) پانچ میچوں پر مشتمل سیریز کے پہلے ٹیسٹ میچ میں پہلے ہی روز 19وکٹیں گر گئیں ۔ آسٹریلیا کو انگلینڈ کیخلاف پہلی اننگز میں دن کے اختتام پر 49رنز کا خسارہ باقی ہے اور اس کی ایک وکٹ باقی ہے ۔
تفصیلات کے مطابق پرتھ میں کھیلے جا رہے ایشز سیریز کے پہلے ٹیسٹ میچ میں انگلینڈ نے آسٹریلیا کیخلاف ٹاس جیت کر پہلے بیٹنگ کا فیصلہ کیا ۔انگلش ٹیم کو پہلے کی اوورز میں نقصان اٹھانا پڑا جب کرائولی بغیر کوئی رن بنائے پویلین لوٹ گئے ۔
انگلینڈ کی وکٹیں وقفے وقفے سے گرتی رہیں اور پوری ٹیم 172رنز بنا کر پویلین لوٹ گئی۔ انگلش ٹیم کی جانب سے ہیروی بروک نے 52،اولیو پوپ نے 46جبکہ جمی سمتھ نے 33رنز کی اننگز کھیلی ۔
آسٹریلیا کی جانب سے مچل سٹارک نے 7برینڈن ڈوگتھ نے 2جبکہ کیمرون گرین نے ایک وکٹ حاصل کی ۔
آسٹریلیا نے بھی اپنی پہلی اننگز کا آغاز کیا تو ڈیبیو کرنیوالے ویدرلینڈ بغیر کوئی رن بنائے پہلے ہی اوورز میں پویلین لوٹ گئے ۔ آسٹریلوی کھلاڑی بھی ایک کے بعد کر کے آئوٹ ہوتے رہے اور دن کے اختتام پر 9وکٹوں کے نقصان پر 123رنز بنالئے ۔انگلینڈ کی پہلی اننگز کا خسارہ پورا کرنے کیلئے آسٹریلیا کو مزید 49رنز درکار ہیں۔
آسٹریلیا کی جانب سے ایلکس کیری نے 26،کیمرون گرین نے 24رنز سکور کئے ۔
انگلینڈ کی جانب سے بین سٹوکس نے پانچ کھلاڑیوں کو آئوٹ کیا جبکہ جوفرا آرچر اور کارس نے دو دو وکٹیں اپنے نام کیں۔
پرتھ ٹیسٹ: پہلے ہی روز 19وکٹیں گر گئیں ،آسٹریلیا کو انگلینڈ کیخلاف 49رنز کا خسارہ
