لاہور(پاک ترک نیوز)پنجاب میں سموگ کے باوجود تعلیمی ادارے کھلے رہیں گے، اسکولوں میں چھٹیوں کے حوالے سے سوشل میڈیا پر گردش کرنے والی خبروں کی وزیر تعلیم رانا سکندر حیات نے تردید کردی۔
صوبائی وزیر تعلیم کا کہنا ہے کہ سموگ کے باعث تعلیمی اداروں میں چھٹیاں زیر غور نہیں اور نہ ہی حکومت ایسا کوئی فیصلہ کر رہی ہے، تعلیمی سرگرمیاں معمول کے مطابق جاری رہیں گی۔
یہ بھی پڑھیں: پاکستان کے معدنی خزانوں سے خوشحالی کا نیا راستہ کھولنے کی تیاری، سرمایہ کاروں کو بڑی دعوت
رانا سکندر حیات نے والدین سے اپیل کی ہے کہ وہ سوشل میڈیا پر پھیلنے والی غیر مصدقہ خبروں پر کان نہ دھریں۔
وزیر تعلیم نے طلبہ کو احتیاطی تدابیر اختیار کرنے کی ہدایت کرتے ہوئے کہا کہ بچے ماسک کا استعمال کریں اور سموگ سے بچاؤ کے لیے حکومتی ہدایات پر عمل کریں۔ طلبہ آؤٹ ڈور سرگرمیوں کے دوران حفاظتی ایس او پیز کا خیال رکھیں۔
