تحران (پاک ترک نیوز)ایران میں منشیات اسمگلنگ سمیت مختلف جرائم میں ملوث افغان شہریوں کے خلاف کارروائیاں جاری ہیں، ایرانی حکام نے مزید دو افغان شہریوں کو پھانسی دے دی۔
انسانی حقوق کی تنظیم ہینگاو کے مطابق دونوں افغان شہریوں کو اصفہان شہر کی دستگرد جیل میں پھانسی دی گئی۔ ان کی شناخت 43 سالہ مبارک محمدی اور 49 سالہ قاسم ملا امینی کے نام سے ہوئی ہے۔
رپورٹ کے مطابق دونوں کا تعلق افغانستان کے صوبے جوزجان کے شہر شبرغان سے تھا اور وہ ایرانی شہر مشہد میں مقیم تھے۔
افغانستان انٹرنیشنل کے مطابق رواں سال کے آغاز سے اب تک ایران میں مختلف جرائم کے الزامات میں کم از کم 27 افغان شہریوں کو سزائے موت دی جاچکی ہے۔
یہ بھی پڑھیں: امریکی ایوان نمائندگان میں ریکارڈ پہلی بار 100سے زائد ڈیموکریٹ خواتین منتخب
رپورٹ میں بتایا گیا ہے کہ سزائے موت پانے والے افغان شہریوں پر منشیات اسمگلنگ، قتل، جاسوسی اور حکومت مخالف احتجاج سمیت مختلف جرائم میں ملوث ہونے کے الزامات تھے۔
