واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہے کہ ایران امریکی منظوری کے بغیر کوئی اقدام نہیں کر رہا، آئندہ ایک سے دو ہفتوں میں کئی اہم اقدامات کیے جائیں گے۔امریکی صدر ڈونلڈ ٹرمپ نے کہا ہے کہ ایران کبھی جوہری ہتھیار حاصل نہیں کر سکے گا، ایران اس وقت امریکا کی منظوری کے بغیر کوئی اقدام نہیں کر رہا۔وائٹ ہاؤس میں میڈیا سے گفتگو کرتے ہوئے صدر ٹرمپ کا کہنا تھا کہ ایران کے خلاف مزید کارروائی کا فیصلہ کرنا ابھی باقی ہے، تاہم کئی منصوبے زیر غور ہیں اور ان پر کام جاری ہے۔
یہ بھی پڑھیں: اسلام آباد کے بلدیاتی انتخابات: کاغذاتِ نامزدگی جمع کرانے کی تاریخ میں5 روز کی توسیع
انہوں نے کہا کہ اگر ممکن ہوا تو ایران کے باقی حصے کو تباہ نہیں کریں گے، جبکہ آئندہ ایک سے دو ہفتوں کے دوران کئی اہم اقدامات کیے جائیں گے۔ٹرمپ نے مزید کہا کہ فیصلہ کرنا ہوگا کہ ایران کے خلاف مزید کارروائی کی جائے یا نہیں، تاہم وہ ممکنہ طور پر ایران کے باقی حصوں کو تباہ کرنے سے گریز کرنا چاہیں گے۔
