یروشلم (پاک ترک نیوز )امریکی وسط مدتی انتخابات سے ایک روز قبل اسرائیل میں سیکیورٹی فورسز کو ہائی الرٹ کر دیا گیا ہے۔ اسرائیلی فوج کو کسی بھی ممکنہ صورتحال سے نمٹنے کے لیے انتہائی چوکس رہنے کی ہدایت جاری کی گئی ہے۔
اسرائیلی میڈیا رپورٹس کے مطابق ایران کے ساتھ دوبارہ جنگ چھڑنے کے خدشات کے پیش نظر سیکیورٹی انتظامات مزید سخت کر دیے گئے ہیں۔ ایران کے ساتھ کشیدگی میں ممکنہ اضافے کے پیش نظر اسرائیلی فوج کو ہائی الرٹ پر رکھا گیا ہے، جبکہ امریکا اور اسرائیل کے درمیان سیکیورٹی رابطے بھی اعلیٰ ترین سطح پر پہنچ گئے ہیں۔
دوسری جانب امریکی شہری 3 نومبر بروز منگل وسط مدتی انتخابات میں اپنا حق رائے دہی استعمال کریں گے۔ یہ انتخابات صدر ڈونلڈ ٹرمپ کی دوسری صدارتی مدت کے وسط میں ہو رہے ہیں، جنہیں امریکی سیاست اور آئندہ حکومتی پالیسیوں کے حوالے سے اہم قرار دیا جا رہا ہے۔
انتخابات میں امریکی ایوان نمائندگان کی تمام 435 نشستوں، سینیٹ کی 35 نشستوں اور 36 ریاستوں میں گورنر کے عہدوں کے لیے مقابلہ ہوگا۔
