پشاور ( پاک ترک نیوز) پشاور کے علاقے جمرود میں فوم بنانے والی فیکٹری میں اچانک آگ بھڑک اٹھی، جس کے بعد امدادی کارروائیاں شروع کردی گئیں۔ریسکیو 1122 خیبر کے مطابق اطلاع ملتے ہی دو فائر وہیکلز اور ایک واٹر باؤزر جائے وقوعہ پر پہنچ گئے، تاہم آگ کی شدت کے پیش نظر پشاور سے مزید چار فائر وہیکلز بھی بیک اپ سپورٹ کے لیے روانہ کی گئیں۔پشاور سے پہنچنے والی فائر وہیکلز نے بھی آگ بجھانے کے آپریشن میں حصہ لیا۔ ریسکیو فائر فائٹرز آگ پر قابو پانے کے لیے مسلسل کوششیں کر رہے ہیں۔
یہ بھی پڑھیں: خیبرپختونخوا کے 2 ہزار 448 اسکول غیر محفوظ قرار
ریسکیو 1122 کے مطابق فیکٹری میں امدادی کارروائیاں جاری ہیں، جبکہ تاحال کسی جانی نقصان کی اطلاع نہیں ملی۔
