گوادر ( پاک ترک نیوز) گوادر میں سیکیورٹی فورسز کے ساتھ کارروائی میں ہلاک ہونے والے شکیل احمد کے والد اور بھائی نے پریس کانفرنس کرتے ہوئے اس کے راستے کے انتخاب پر ندامت کا اظہار کیا ہے۔پنجگور کے علاقے پروم کے رہائشی محمد حیات نے اپنے والد عبدالعزیز کے ہمراہ بتایا کہ ان کا بھائی شکیل احمد پانچ سال قبل کالعدم تنظیم کے بہکاوے میں آکر گھر چھوڑ گیا تھا۔محمد حیات کے مطابق اہلِ خانہ نے ایک مرتبہ کوشش کرکے اسے سرنڈر بھی کروایا، تاہم وہ دوبارہ تنظیم میں شامل ہوگیا۔ دو روز قبل انہیں اطلاع ملی کہ شکیل احمد گوادر میں دہشت گردی کی کارروائی کے دوران سیکیورٹی فورسز کے ہاتھوں مارا گیا۔
یہ بھی پڑھیں: امریکی ریاست فلوریڈا میں طیارہ سڑک پر گر کر تباہ، تمام 9 افراد ہلاک
محمد حیات نے کہا کہ ان کے خاندان کا شکیل احمد کی سرگرمیوں سے کوئی تعلق نہیں اور وہ اس کے غلط راستے کے انتخاب پر شدید شرمندہ ہیں۔انہوں نے والدین پر زور دیا کہ وہ اپنے بچوں کی سرگرمیوں پر نظر رکھیں، انہیں تعلیم دلوائیں اور انہیں گمراہ کن عناصر سے محفوظ رکھیں۔ ان کا کہنا تھا کہ ان کا خاندان پاکستان کا وفادار ہے۔
