کراچی ( پاک ترک نیوز) وزیراعلیٰ سندھ سید مراد علی شاہ نے بلوچستان کے اضلاع قلات اور گوادر میں دہشت گردوں کے خلاف کارروائیوں پر سیکیورٹی فورسز کو خراجِ تحسین پیش کیا ہے۔مراد علی شاہ نے کہا کہ پاک فوج نے خفیہ اطلاعات کی بنیاد پر کارروائیوں کے دوران چار دہشت گردوں کو ہلاک کیا، جس پر سیکیورٹی فورسز کی خدمات قابلِ ستائش ہیں۔
وزیراعلیٰ سندھ نے پسنی میں دھماکے کے نتیجے میں میجر وجاہت وحید کی شہادت پر گہرے دکھ اور افسوس کا اظہار کرتے ہوئے کہا کہ میجر وجاہت وحید کی شہادت ملک کے دفاع کے لیے دی جانے والی عظیم قربانی ہے۔انہوں نے شہید میجر کے اہلِ خانہ سے دلی تعزیت اور ہمدردی کا اظہار بھی کیا۔مراد علی شاہ کا کہنا تھا کہ دہشت گردی کے خلاف جنگ میں سیکیورٹی فورسز کے جوانوں کی قربانیاں ناقابلِ فراموش ہیں۔ ملک میں امن و استحکام کے قیام کے لیے سیکیورٹی فورسز کی خدمات قابلِ قدر ہیں۔
وزیراعلیٰ سندھ نے کہا کہ دہشت گردی کے مکمل خاتمے کے لیے قومی اتحاد اور یکجہتی ناگزیر ہے۔ پوری قوم دہشت گردی کے خلاف جنگ میں اپنی سیکیورٹی فورسز کے ساتھ کھڑی ہے۔
