کراچی ( پاک ترک نیوز) ملک میں سونے کی قیمت میں نمایاں کمی ریکارڈ کی گئی ہے، فی تولہ سونا 3 ہزار روپے سستا ہوگیا۔نئے نرخوں کے مطابق فی تولہ سونے کی قیمت 4 لاکھ 38 ہزار 636 روپے ہوگئی۔دس گرام سونے کی قیمت میں 2 ہزار 572 روپے کمی ہوئی، جس کے بعد دس گرام سونا 3 لاکھ 76 ہزار 59 روپے کا ہوگیا۔عالمی مارکیٹ میں بھی سونے کی قیمت 30 ڈالر کمی کے بعد 4 ہزار 161 ڈالر فی اونس ہوگئی۔
یہ بھی پڑھیں: امریکی مسلح افواج میں جرنیلوں کی تعداد 20فیصد کم ہو گی
دوسری جانب چاندی کی فی تولہ قیمت میں 50 روپے کمی ہوئی، جس کے بعد ایک تولہ چاندی 6 ہزار 528 روپے کی ہوگئی۔دس گرام چاندی کی قیمت بھی 43 روپے کمی کے بعد 5 ہزار 596 روپے پر آگئی۔عالمی منڈی میں چاندی 60.50 ڈالر فی اونس پر فروخت ہورہی ہے۔
