تہران ( پاک ترک نیوز) ایرانی وزارت خارجہ کے ترجمان اسماعیل بقائی نے کہا ہے کہ نیویارک میں ایرانی اور امریکی فریق کے درمیان قطری ثالث کے ذریعے رابطہ ہوا ہے۔میڈیا سے گفتگو کرتے ہوئے اسماعیل بقائی نے کہا کہ ایران نے اپنا مؤقف اور شرائط امریکا تک پہنچا دی ہیں۔ایرانی ترجمان کے مطابق ایران کی شرائط میں تمام محاذوں پر جنگ کا خاتمہ اور امریکی کارروائیوں کو روکنا شامل ہے۔اسماعیل بقائی نے کہا کہ بحری ناکہ بندی اور معاشی جنگ کا خاتمہ بھی ایرانی مطالبات میں شامل ہے، جبکہ ایرانی اثاثوں کی بحالی بھی ضروری ہے۔انہوں نے بتایا کہ امریکی صدر ڈونلڈ ٹرمپ کی تقریر کے دوران ایرانی وفد نے اقوام متحدہ کے اجلاس سے واک آؤٹ کیا۔
یہ بھی پڑھیں: ٹرمپ کا اقوام متحدہ میں وزیراعظم شہباز شریف کا خصوصی ذکر، ’’عظیم شخصیت‘‘ قرار دے دیا
ایرانی ترجمان کے مطابق وزیر خارجہ عباس عراقچی نے نیویارک میں متعدد ممالک کے نمائندوں سے دوطرفہ ملاقاتیں کیں، تاہم امریکا سے ایرانی وفد کے لیے خصوصی حفاظتی اقدامات کی درخواست نہیں کی گئی۔اس سے قبل ایرانی ذرائع ابلاغ نے دعویٰ کیا تھا کہ ایرانی وزیر خارجہ عباس عراقچی نے نیویارک میں امریکی صدر کے خصوصی نمائندے اسٹیو وٹکوف سے ملاقات کی۔دوسری جانب ایک امریکی اہلکار نے دعویٰ کیا تھا کہ عباس عراقچی نے امریکی صدر کے داماد جیرڈ کشنر سے بھی ملاقات کی ہے۔
