تہران ( پاک ترک نیوز) ایران نے امریکا کو مزید کسی بھی جارحانہ کارروائی کی صورت میں سخت جوابی کارروائی کی وارننگ دے دی۔ایرانی پاسداران انقلاب کے مطابق تہران کسی بھی نئی امریکی جارحیت کا جواب دینے کیلئے مکمل طور پر تیار ہے اور ایران فیصلہ کن جنگ کیلئے آمادہ ہے۔پاسداران انقلاب نے خبردار کیا کہ اگر امریکا نے ایران کے خلاف مزید کوئی جارحانہ اقدام کیا تو خطے میں موجود تمام امریکی فوجی اڈے اور مفادات ایرانی حملوں کا نشانہ بن سکتے ہیں۔ایرانی مؤقف کے مطابق امریکی افواج کے اڈے خطے میں ایران کی نظر میں محفوظ نہیں رہیں گے اور کسی بھی نئی کارروائی کی صورت میں امریکا کو اس کے نتائج کا سامنا کرنا پڑے گا۔
یہ بھی پڑھیں: ملک کے کئی اضلاع میں انسداد پولیو مہم کا آغاز ،3کروڑ بچوں کو قطرے پلانے کا ہدف
پاسداران انقلاب نے امریکا کا ساتھ دینے والے ممالک کو بھی خبردار کرتے ہوئے کہا کہ جو ممالک امریکی کارروائیوں میں معاونت کریں گے، انہیں بھی ایرانی جوابی کارروائی کا سامنا کرنا پڑسکتا ہے۔
