قومی کرکٹر ابرار احمد رشتہ ازدواج میں منسلک ہونے کیلئے تیار

لاہور( پاک ترک نیوز) پاکستان کرکٹ ٹیم کے سپنر ابرار احمد آج رشتہ ازدواج میں منسلک ہو جائیں گے۔27 سالہ کھلاڑی ابرار احمد کی مہندی کی تقریب گزشتہ شب منعقد ہوئی۔
قومی کرکٹر ابرار نے انسٹاگرام پر سبز شلوار قمیض میں تصویر بھی شیئر کی۔ ان کا نکاح ہو چکا ہے اور وہ آج دلہن گھر لے جائیں گے۔
ان کا ولیمہ چھ اکتوبر کو ہو گا۔ اس طرح قومی کرکٹر اپنی نئی زندگی کا آغاز کرنے جا رہے ہیں۔ ابرار اس وقت توجہ کا مرکز بنے جب ایشیا کپ میں سری لنکا کے خلاف میچ میں انہوں نے سری لنکن باؤلر ونیندو ہسارنگا کا وکٹ لینے کا جشن منانے کا انداز کاپی کیا۔
اس میچ میں سری لنکن باؤلر ونیندو نے بھی ابرار کے جشن منانے کا سٹائل کاپی کیا، اس میچ کے بعد دونوں کھلاڑی ایک دوسرے کے گلے ملے، ہنسی مذاق کی اور مصافحہ بھی کیا۔
دونوں کا ایک دوسرے کا اسٹائل کاپی کرنا سوشل میڈیا پر وائرل ہو گیا تھا، وہ جنوبی افریقہ کے خلاف سیریز میں بھی پاکستانی ٹیم کا حصہ ہوں گے۔