دبئی (پاک ترک نیوز) پاکستان کے اسپن گیند باز ابرار احمد ٹی ٹوئنٹی کرکٹ کے عالمی نمبر ون باؤلر بن گئے۔تازہ عالمی درجہ بندی میں ابرار احمد نے ایک درجے بہتری حاصل کرتے ہوئے پہلی پوزیشن اپنے نام کرلی، جبکہ افغانستان کے راشد خان ایک درجے تنزلی کے بعد دوسرے نمبر پر چلے گئے۔آسٹریلیا کے ایڈم زمپا ایک درجے بہتری کے بعد تیسرے نمبر پر آگئے ہیں۔پاکستان کے محمد نواز آٹھویں پوزیشن پر برقرار ہیں۔انگلینڈ کے جیمی اوورٹن نے بڑی چھلانگ لگاتے ہوئے سینتالیس درجے بہتری حاصل کی اور چھٹی پوزیشن سنبھال لی۔
یہ بھی پڑھیں: آئی سی سی ویمنز ٹی ٹوئنٹی درجہ بندی، بیٹرز میں آسٹریلیا کی بیتھ مونی سر فہرست
انگلینڈ کے لیام ڈاسن نے بھی بارہ درجے بہتری حاصل کی اور گیارہویں نمبر پر پہنچ گئے ۔بھارت کے اکشر پٹیل کی درجہ بندی میں بھی بارہ درجے بہتری آئی ہے، جس کے بعد وہ پندرہویں نمبر پر پہنچ گئے۔دوسری جانب ٹی ٹوئنٹی آل راؤنڈرز کی عالمی درجہ بندی میں زمبابوے کے سکندر رضا کی پہلی پوزیشن برقرار ہے۔پاکستان کے صائم ایوب دوسرے نمبر پر موجود ہیں، جبکہ انگلینڈ کے ول جیکس تین درجے بہتری کے بعد تیسرے نمبر پر آگئے ہیں۔
