صنعا(پاک ترک نیوز) یمن میں انصار اللہ نے اہم ساحلی علاقوں پر کنٹرول حاصل کرنے کا دعویٰ کیا ہے، جس کے بعد خطے میں سمندری تجارت کے حوالے سے تشویش بڑھ گئی ہے۔
یمنی سرکاری ذرائع کے مطابق حوثیوں نے باب المندب میں واقع اہم جزیرے میون کا کنٹرول سنبھال لیا ہے، جبکہ سرکاری فورسز جزیرے سے نکل گئی ہیں۔حوثیوں نے بحیرہ احمر کے ساحل پر واقع شہر ذباب پر بھی قبضہ کرلیا ہے۔ اہم ساحلی علاقوں پر کنٹرول کے بعد حوثیوں نے باب المندب میں گشت شروع کردیا، جبکہ ساحل پر حامیوں کی جانب سے جشن بھی منایا گیا۔
دارالحکومت میں بھی حوثیوں کی پیش قدمی کے حق میں ریلی نکالی گئی۔ حوثیوں کی جانب سے اہم سمندری گزرگاہ کے قریب اپنی موجودگی مضبوط بنانے کا مقصد باب المندب اور اس سے گزرنے والے اہم تجارتی راستے پر گرفت مزید مضبوط کرنا بتایا جارہا ہے۔دوسری جانب یمنی سرکاری فوج کا کہنا ہے کہ فضائیہ نے پہلے سے اعلان کردہ مخصوص حملہ زون میں بمباری شروع کردی ہے۔
یہ بھی پڑھیں: سعودی عرب نے مشرقی مغربی تیل پائپ لائن عارضی طور پر بند کردی
یمنی حکام نے شہریوں کو تعز، المخا شاہراہ اور المخا، ذباب راستہ استعمال نہ کرنے کی ہدایت کردی ہے۔
