صنعا(پاک ترک نیوز) یمن میں قانونی حکومت کی خودمختاری کی حمایت کرنے والے فوجی اتحاد حوثی ملیشیا کے خلاف بڑے پیمانے پر کارروائیاںکر رہا ہے ۔جن اب تک 136فوجی اہداف کو تباہ کیا جا چکا ہے۔
سعودی سرکاری میڈیا کے مطابق فوجی اتحاد کے ترجمان میجر جنرل ترکی المالکی نے کہا ہے کہ ان کارروائیوں میں ملیشیا کے مختلف عناصر اور ان کی صلاحیتوں کو نشانہ بنایا جا رہا ہے۔ترجمان نے آفیشنل ایکس اکاؤنٹ پر ایک وڈیو بھی پوسٹ کی ہے جس میںکہا گیا ہے کہ فوجی اتحاد دہشت گرد حوثی ملیشیا کے بیلسٹک میزائل نیٹ ورک کو ختم اور تباہ کرنے کے لیے کام کر رہا ہے۔جبکہ ساتھ ہی یمن کی مسلح افواج کو ہمہ وقت فضائی مد د بھی فراہم کر رہا ہے۔
یہ بھی پڑھیں : معاذ صداقت بھی صائم ایوب کے نقش قدم پر ،نو لک سکس کی وڈیو وائرل
اس سے قبل میجر جنرل ترکی المالکی نے اپنے بیان میں کہا تھا کہ سعودی عرب میں شہریوں، شہری تنصیبات اور ریاض اور ابھا ایئرپورٹس کو نشانہ بنائے جانے والے دہشت گرد حوثی ملیشیا کے وحشیانہ حملوں پر ذمہ داروں کو قرار واقعی سزا ضرور ملے گی۔
