کولمبو ( پاک ترک نیوز) آئی سی سی ویمنز ورلڈ کپ کے تیسرے میچ میں پاکستانی بیٹنگ لائن بری طرح فلاپ ہوگئی ۔ پاکستان ویمنز ٹیم نے بنگلہ دیش کو جیت کیلئے 130رنز کا ہدف دیدیا۔
تفصیلات کے مطابق آئی سی سی ویمنز ورلڈ کپ کے تیسرے میچ میں سری لنکا کے شہر کولمبو میں پاکستان ویمنز ٹیم نے بنگلہ دیش کیخلاف ٹاس جیت کر پہلے بیٹنگ کا فیصلہ کیا ۔
پاکستان نے 38.3اوورز میں پوری ٹیم کے نقصان پر 129رنز بنائے ۔
پاکستان کی ابتدائی کھلاڑی جلد آئوٹ ہو گئیں جس کے بعد بیٹنگ لائن مشکلات کا شکار ہوگئی ۔پاکستان کی جانب سے رامین شمیم نے 23،فاطمہ ثنا نے 22جبکہ منیبہ علی نے 17رنز بنائے ۔
بنگلہ دیش کی جانب سے سورنا اختر نے تین جبکہ معروف اختر اور ناہید اختر نے دو دو کھلاڑیوں کو آئوٹ کیا ۔
ویمنز ورلڈ کپ : پاکستانی بیٹنگ فلاپ بنگلہ دیش کو جیت کیلئے130رنز کا ہدف
