ویمنز ورلڈ کپ : پاکستانی بیٹنگ لائن بنگلہ دیش کیخلاف مشکلات کا شکار

کولمبو ( پاک ترک نیوز) آئی سی سی ویمنز ورلڈ کپ کے تیسرے میچ میں پاکستانی بیٹنگ لائن بنگلہ دیش کیخلاف مشکلات کا شکار ہو گئی ۔
تفصیلات کے مطابق آئی سی سی ویمنز ورلڈ کپ کے تیسرے میچ میں سری لنکا کے شہر کولمبو میں پاکستان ویمنز ٹیم نے بنگلہ دیش کیخلاف ٹاس جیت کر پہلے بیٹنگ کا فیصلہ کیا ۔
پاکستان نے 2وکٹوں کے نقصان پر 5.5اوورز میں 25رنز بنا لئے ہیں ۔منیبہ علی 13جبکہ رامین شمیم 9رنز بنا کر کریز پر موجود ہیں ۔
پاکستان کی ابتدائی دو کھلاڑی جلد آئوٹ ہو گئیں جس کے بعد بیٹنگ لائن مشکلات کا شکار ہوگئی ۔عمیمہ سہیل اور سدرہ امین بغیر کوئی رن بنائے پویلین لوٹ گئیں۔
بنگلہ دیش کی جانب سے معرفہ اختر نے دو کھلاڑیوں کو آئوٹ کیا ۔