لاہور( پاک ترک نیوز) آئی سی سی ٹی ٹونٹی ورلڈکپ 2026 میں پاک بھارت ٹاکرے کی ممکنہ تاریخ سامنے آگئی۔
ایشیا کپ 2025 میں ہونے والے تنازع کے باوجود ٹی ٹونٹی ورلڈکپ 2026 میں روایتی حریف پاکستان اور بھارت کو ایک ہی گروپ میں رکھا گیا ہے۔
روایتی حریف ممکنہ طور پر 15 فروری کو کولمبو میں مدمقابل آئیں گے۔
ٹی ٹوئنٹی ورلڈکپ 2026 میں 20 ٹیموں کو پانچ پانچ کے چار مختلف گروپس میں تقسیم کیا گیا ہے۔
گروپ ون میں پاکستان، بھارت، امریکا، نمیبیا، نیدرلینڈزکو رکھا گیا ہے جبکہ گروپ ٹو میںبنگلادیش، اٹلی، انگلینڈ، نیپال، ویسٹ انڈیزشامل ہیں۔ اسی طرح گروپ تھری میں آسٹریلیا، آئرلینڈ، عمان، سری لنکا، زمبابوے کی ٹیمیں موجود ہیں جبکہ گروپ فور میں افغانستان، کینیڈا، نیوزی لینڈ، جنوبی افریقا، یو اے ای کو شامل کیا گیا ہے ۔
ہر گروپ سے ٹاپ 2 ٹیمیں سپر ایٹ مرحلے میں رسائی حاصل کریں گی جس میں سے ٹاپ فور ٹیمیں سیمی فائنل کھیلیں گی۔
ٹی ٹونٹی ورلڈ کپ 2026،پاک بھارت ٹاکرے کی ممکنہ تاریخ سامنے آ گئی
