اسلام آباد ( پاک ترک نیوز) پاکستان اٹامک انرجی کمیشن اور پاکستان اسٹیٹ آئل کے درمیان ایندھن کی مؤثر اور بلاتعطل فراہمی کے لیے معاہدہ طے پاگیا۔معاہدے کے تحت پی اے ای سی کو پی ایس او کے فلیٹ کارڈز فراہم کیے جائیں گے، جبکہ پٹرولیم، آئل اور لبریکنٹس (پی او ایل) کی بڑی مقدار میں فراہمی بھی رعایتی نرخوں پر کی جائے گی۔معاہدے سے پی اے ای سی کو آپریشنل اور مالی فوائد حاصل ہوں گے، جبکہ ادارے کے لیے ایندھن کی قابلِ اعتماد، شفاف اور مؤثر فراہمی کا نظام بھی یقینی بنایا جائے گا۔
یہ بھی پڑھیں: حوالہ نیٹ ورک کا نیا کھیل بے نقاب، اربوں ڈالر کی غیرقانونی دولت چھپانے کا انکشاف
پی اے ای سی اور پی ایس او کے درمیان پیشہ ورانہ تعاون کا تعلق ساڑھے چار دہائیوں سے زائد عرصے پر محیط ہے، اور یہ معاہدہ دونوں اداروں کے درمیان شراکت داری کو مزید مضبوط بنانے میں اہم پیش رفت قرار دیا جا رہا ہے۔
