واشنگٹن ( پاک ترک نیوز) امریکی صدر ڈونلڈ ٹرمپ نے ایران کے صوبہ اصفہان میں واقع پِک ایکس ماؤنٹین پر حملے کی ایک بار پھر دھمکی دے دی۔وائٹ ہاؤس میں صحافیوں سے گفتگو کرتے ہوئے ٹرمپ نے کہا کہ امریکا خلا کے شعبے میں سب سے آگے ہے اور اسے اس مقام پر ہونے والی سرگرمیوں سے متعلق معلومات ہیں۔ٹرمپ کا کہنا تھا کہ اگر کچھ غلط ہوتا ہے تو امریکا ایران کو نشانہ بنائے گا۔ پِک ایکس ماؤنٹین ایران کے جوہری مرکز نطنز کے قریب ایک انتہائی محفوظ زیرِ زمین تنصیب ہے۔
یہ بھی پڑھیں: لارک اور خارگ جزیرے ایران کیلئے اتنے اہم کیوں؟
ٹرمپ نے آبنائے ہرمز کے معاملے پر بھی کہا کہ تیل کی پائپ لائنز اس آبی گزرگاہ کا متبادل بن سکتی ہیں، جبکہ شام کے راستے تیل کی ترسیل بھی ایک آپشن ہے۔امریکی صدر کے مطابق آبنائے ہرمز کی اہمیت کم کرنے کے لیے کئی متبادل راستے موجود ہیں۔
