اسلام آباد ( پاک ترک نیوز) وزیراعظم شہبازشریف کا کہناہےپاکستان میں دہشت گردی کے پیچھے بھارت کا ہاتھ ہے،بھارت دہشت گردوں کو وسائل فراہم کر رہا ہے۔ ہمسایہ ملک کو سمجھانے کی کوشش کر رہے ہیں، افغانستان کی سرزمین دہشت گردوں کو استعمال کرنے کی اجازت نہ دی جائے ،افغان عبوری حکومت دہشت گردوں کو روکنے میں ناکام ہو گئی۔
وزیراعظم شہبازشریف نے بلوچستان نیشنل ورکشاپ کے شرکاء سے اظہار خیال کرتے ہوئے کہا ملک میں دہشت گردی سازش کے تحت دوبارہ لائی گئی ۔مستونگ کے سیشن جج اور اہلکار نے جام شہادت نوش کیا،بلوچستان کے لوگوں کی قربانیاں رائیگاں نہیں جائیں گی۔
وزیراعظم نے مزید کہا بلوچستان جغرافیائی لحاظ سےپاکستان کاسب سےبڑاصوبہ ہے، بلوچستان میں بسنےوالےبلوچوں اورپشتونوں نےپاکستان کے قیام میں کلیدی کرداراداکیا،۔ معرکہ حق میں دشمن کو شکست فاش دی ،امن کے لیے فیلڈ مارشل عاصم منیر ،اسحاق ڈار کی کاوشیں قابل تحسین ہیں
وزیراعظم شہبازشریف نے کہا بلوچستان کی قیادت نے ہمیشہ ذاتی عنادبالائےطاق رکھ کروفاق کی حمایت کی،صوبےکےعلاقوں کےدرمیان طویل فاصلوں کےباعث وسائل نسبتاًزیادہ چاہئیں،این ایف سی ایوارڈمیں پنجاب نےبلوچستان کیلئےبڑھ چڑھ کرحصہ ڈالا،پنجاب نےاین ایف سی ایوارڈکی مدمیں150ارب روپے بلوچستان کودیئے،دیگرتین صوبوں نے بھی بلوچستان کاساتھ دیا،یہ احسان نہیں بھائی چارہ ہے۔
