ایشیا کپ کا کل سے آغاز،ہانگ کانگ اور افغانستان مد مقابل

آر اے شمشاد
ایشیا کپ 2025کا کل سے آغاز ہونے جا رہا ہے ۔ افتتاحی میچ میں افغانستان اور ہانگ کانگ کل مد مقابل آئیں گی ۔10ستمبر کو بھارت اور یو اے ای کی ٹیمیں نبرد آزما ہوں گی ۔
پاکستان کرکٹ ٹیم ایشیا کپ کے پہلے میچ میں اومان کیخلاف 12ستمبر کو میدان میں اترے گی ۔روایتی حریفوں پاکستان اوربھارت کے درمیان دنگل 14ستمبر کو ہو گا ۔پاکستان کا تیسرا میچ یو اے ای کے ساتھ 17ستمبر کو ہوگا ۔

https://www.youtube.com/watch?v=kJfY5s73pPo
ایشیا کپ ٹی ٹونٹی فارمیٹ پر کھیلا جا رہا ہے ۔8ٹیموں کو 2گروپوں میں رکھ گیا ہے ۔ گروپ اے میں پاکستان ،بھارت ،اومان اور یوے ای شامل ہے جبکہ گروپ بی میں سری لنکا ، افغانستان ، ہانگ کانگ اور بنگلہ دیش کی ٹیمیں موجود ہیں ۔

https://www.youtube.com/shorts/YF4t9wMBuQI
بھارت ایشیا کپ کا دفاعی چیمپئن ہے ۔انڈیا نے 2023میں سری لنکا کو شکت دے کر ٹائٹل اپنے نام کیا تھا ۔ بھارت اب تک 8مرتبہ ایشیا کپ جیت چکا ہے جبکہ سری لنکا نے یہ ٹورنامنٹ 6بار جیتا ہے ۔ پاکستان دو مرتبہ ٹائٹل اپنے نام کر چکا ہے ۔
ایشیا کپ میں سری لنکن بلے باز سنتھ جے سوریا 1220رنز بنا کر سر فہرست ہیں جبکہ دوسرے نمبر پر کمارا سنکاگارا آتے ہیں جنہوں نے 1075رنز بنا رکھے ہیں ۔اگر بائولنگ کی بات کی جائے تو مرلی دھرن 30وکٹوں کے ساتھ سرفہرست ہیں جبکہ سری لنکا کے ہی لستھ ملنگا نے 29وکٹیں اپنے نام کی ہیں ۔