کابل (پاک ترک نیوز)افغانستان میں معاشی بحران اور بے روزگاری نے تعلیم یافتہ طبقے کے لیے مشکلات بڑھا دی ہیں، اساتذہ بھی روزگار کے حصول کے لیے متبادل ذرائع اختیار کرنے پر مجبور ہیں۔
میڈیا رپورٹس کے مطابق طالبان کے اقتدار میں آنے کے بعد افغانستان کا معاشی اور سماجی نظام سنگین مشکلات سے دوچار ہے۔ معاشی بدحالی کے باعث علم بانٹنے والے استاد کو قلم چھوڑ کر رکشہ چلانا پڑ رہا ہے۔
رپورٹس کے مطابق معاشی مشکلات نے اساتذہ کو درس گاہوں سے سڑکوں پر لا کھڑا کیا ہے، جبکہ تعلیم یافتہ افراد غربت اور بے روزگاری کا سامنا کر رہے ہیں۔
یہ بھی پڑھیں: لاہور ہائیکورٹ ، سرکاری ریکارڈ میں غلطی کی نشاندہی کرنے پر شہری کے خلاف فوجداری کارروائی کالعدم
معاشی اور تعلیمی ماہرین کے مطابق طالبان کی سخت گیر پالیسیوں اور معاشی بحران کے باعث افغانستان میں باصلاحیت افراد کے لیے باعزت روزگار کے مواقع محدود ہوتے جا رہے ہیں۔
