میرا خیال ہے جنگ بندی اور ایم او یو ختم ہو چکا ہے ،ڈونلڈ ٹرمپ

واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہےمیرا خیال ہے جنگ بندی اور ایم او یو ختم ہو چکا ہے ۔ایران کے معاملے پر بہت وقت ضائع کیا ،اب ہمیں اپنا کام کرنا ہو گا۔

ایک انٹرویو مین امریکی صدر ڈونلڈ ٹرمپ کا کہناہے ۔ایران کسی صورت جوہری ہتھیار نہیں بنا سکتا ،ہم بنانے بھی نہیں دیں گے۔ ایران نے سعودی عرب اور دیگر ممالک کے جہازوں پر حملے کیے ،امریکی فوج نے جوابی کارروائی کی ۔

امریکی صدر نے مزید کہا ۔ایران کے لوگ خطرناک ہیں ،میرا خیال ہے ایرانی قیادت وقت ضائع کر رہی ہے ،ایران کی تمام قیادت اور فوجی طاقت کو ختم کر دیا گیا۔ اپنی پہلی مدت میں قاسم سلیمانی کو ہدف بنایا،یہ ہمارا بڑا کارنامہ ہے۔نیٹو ایران کے معاملے پر مدد کیلئے تیار نہیں ہوا ،اس پرخوش نہیں ۔ امریکا کو نیٹو کی ضرورت نہیں ،نیٹو کو امریکا کی ضرورت ہے۔

امریکی صدر نے کہا نیٹو امریکا کا مشکل ترین پارٹنر شپ ہے نیٹو کو روس سے بچانے کے لیے ہم نے ٹریلین ڈالر خرچ کیے ،اسپین کے ساتھ کوئی تعلق نہیں رکھنا چاہتا ۔

یہ بھی پڑھیں: امریکاایران جنگ ایک بار پھر بھڑک اٹھی

امریکی صدر نے کہا نازیوں نے ڈنمارک کو ایک دن میں شکست دی،امریکا کو گرین لینڈ واپس نہیں دینا چاہیئےتھا،گرین لینڈ امریکا کے لیے بڑا مسئلہ بنا ہوا ہے۔

ایران اور امریکا کے درمیان تازہ کشیدگی نے عالمی منڈیوں کو ہلا کر رکھ دیا۔ سب سے پہلا اثر تیل کی قیمتوں پر پڑا، جو ایک ہی روز میں تین فیصد سے زیادہ بڑھ گئیں۔ برینٹ کروڈ 77 ڈالر جبکہ امریکی خام تیل 73 ڈالر فی بیرل کے قریب پہنچ گیا۔ ماہرین کے مطابق عارضی جنگ بندی کے دوران کشیدگی بڑھنے سے تیل کی قیمتیں مزید بڑھیں گی جس سے عالمی معیشت کو نئے بحران کا سامنا کرنا پڑ سکتا ہے۔