کابل ( پاک ترک نیوز) طالبان رجیم میں افغانستان میں بدترین سکیورٹی صورتحال پڑوسی ممالک کیلئےسنگین خطرہ بن گئی۔ افغان طالبان رجیم کےاقتدارکےتقریباً5 سال بعد بھی افغانستان علاقائی سیکیورٹی بحران سے دوچار ہے۔ ۔ امریکی جریدے یوریشیا ریویو نے افغانستان میں بگڑتی سیکیورٹی صورتحال کی نشاندہی کردی۔
رپورٹ کے مطابق دہشتگرد تنظیمیں افغان سرزمین سے سرگرم ہیں جوپڑوسی ممالک کیلئے مسلسل خطرات پیدا کر رہی ہیں۔پاکستان، چین،روس اورایران کوافغان سرزمین سے جڑی سرحد پاردہشتگردی،شدت پسندی اورسیکیورٹی صورتحال پر شدید تشویش ہے۔
یہ بھی پڑھیں: افغانستان منشیات اسمگلنگ کا نیا مرکز بن گیا
امریکی جریدے کے مطابق طالبان رجیم کاطرز حکمرانی اور کنٹرول سیکیورٹی کے اس معیار میں تبدیل نہیں ہوسکا جس کی ہمسایہ ممالک کو توقع تھی، نیشنل ریزسٹینس فرنٹ کے سربراہ احمد مسعود بھی طالبان رجیم کے زیراثرافغانستان میں دہشتگرد وں کی موجودگی اور انکی سرپرستی کی تصدیق کرچکے ہیں۔
رپورٹ کے مطابق طالبان رجیم میں عدم استحکام اورسیکیورٹی خطرات سے پاکستان کا موقف ایک بار پھردرست ثابت ہوا کہ افغانستان ایک ناکام ریاست ہے۔
