راولپنڈی ( پاک ترک نیوز) خیبرپختونخوا میں عزمِ استحکام کے تحت فتنۃ الخوارج کے خلاف سکیورٹی فورسز کی کارروائیاں جاری ہیں، ضلع بنوں میں انٹیلی جنس معلومات کی بنیاد پر کارروائی کے دوران ایک خارجی دہشت گرد ہلاک ہوگیا۔سکیورٹی ذرائع کے مطابق مصدقہ اطلاع ملنے پر سکیورٹی فورسز نے کارروائی کی، سکیورٹی فورسز علاقے میں خوارج کی موجودگی اور نقل و حرکت پر کڑی نظر رکھے ہوئے ہیں، جبکہ دہشت گردوں کے نیٹ ورکس کو تباہ کرنے اور ان کی نقل و حرکت محدود کرنے کے لیے مؤثر کارروائیاں جاری ہیں۔
یہ بھی پڑھیں: اسٹارلنک کی چھٹی ؟ایمازون کا بڑا وار
سکیورٹی ذرائع کے مطابق خیبرپختونخوا میں دہشت گردی کے خاتمے کے لیے کارروائیاں جاری رہیں گی اور آخری دہشت گرد کے خاتمے تک یہ سلسلہ نہیں رکے گا۔
