اسلام آباد ( پاک ترک نیوز) صدرِ آصف علی زرداری نے بلوچستان میں فتنہ الہندوستان کے دہشت گردوں کے خلاف کامیاب کارروائیوں پر سکیورٹی فورسز کو خراجِ تحسین پیش کیا ہے اور کہا خاران اور مستونگ میں فتنہ الہندوستان کے آٹھ دہشت گردوں کو ہلاک کرنا سیکیورٹی فورسز کی پیشہ ورانہ مہارت اور عزم کا مظہر ہے۔
صدر مملکت نے کہا کارروائیوں میں شریک افسران و جوانوں کی جرات، پیشہ ورانہ صلاحیت اور قربانیاں قابلِ تحسین ہیں، ملک میں بیرونی سرپرستی میں ہونے والی دہشت گردی کی مکمل بیخ کنی تک کارروائیاں جاری رکھی جائیں۔
وزیراعظم شہباز شریف نےکہا فتنتہ الہندوستان سے تعلق رکھنے والے 8 دہشت گردوں کو ہلاک کر کے بہادر سکیورٹی فورسز نے انکے دہشت گردی کے مذموم عزائم ناکام بنائے،فتنہ الہندستان کے دہشت گردوں کے خلاف کارروائیاں منطقی انجام تک جاری رہیں گی۔
یہ بھی پڑھیں: وزیراعظم کا وینز ویلا میں زلزلےسے تباہی پر اظہار افسوس
وزیراعظم شہبازشریف نے کہا پاکستان سے فتنہ الہندستان سمیت ہر قسم کی دہشت گردی کے مکمل خاتمے تک ہماری جدوجہد جاری رہے گی۔ دہشت گردی کے خلاف جنگ میں سکیورٹی فورسز کی قربانیاں ناقابلِ فراموش ہیں،امنِ پاکستان کے دشمنوں کو ہر محاذ پر عبرتناک شکست دی جائے گی۔
