پشاور ( پاک ترک نیوز) گورنر خیبرپختونخوا فیصل کریم کنڈی نے کہا ہے کہ وزیراعظم شہباز شریف نے ہمارے تمام مطالبات تسلیم کر لیے ہیں، وزیراعظم سے جو بھی ڈیمانڈ کی، انہوں نے فوری طور پر مان لی اور صوبے کو مزید فنڈز دینے پر بھی آمادگی ظاہر کی ہے۔پشاور میں پریس کانفرنس کرتے ہوئے گورنر خیبرپختونخوا فیصل کریم کنڈی کا کہنا تھا کہ خیبرپختونخوا کو مضبوط بنانا اور صوبے کی ترقی یقینی بنانا ہماری ترجیحات میں شامل ہے۔ وفاق سے صوبے کا مقدمہ بھرپور انداز میں لڑیں گے۔
یہ بھی پڑھیں: گوادر میں سکیورٹی فورسز کا کلیئرنس آپریشن، 7 دہشت گرد ہلاک
انہوں نے کہا کہ گندم اسکینڈل کے ذمہ داروں کو نتائج بھگتنا پڑیں گے، کرپشن اور امن و امان کے معاملے پر کوئی سمجھوتہ نہیں کیا جائے گا۔فیصل کریم کنڈی کا کہنا تھا کہ دہشت گردی کا خاتمہ اولین ترجیح ہے، صوبے میں امن و امان کا قیام اور ترقیاتی عمل کو آگے بڑھانا ناگزیر ہے۔ خیبرپختونخوا کی بہتری اور عوامی مسائل کے حل کے لیے تمام ممکنہ اقدامات کیے جائیں گے۔
