اسلام آباد ( پاک ترک نیوز) تہران اسلام آباد تعلقات میں نئی پیشرفت ہوئی ہے، ایرانی صدر مسعود پزشکیان آج پاکستان آئیں گے۔
ایرانی صدر پزشکیان کی صدر آصف زرداری اور وزیراعظم شہبازشریف سے ملاقاتیں ہوں گی، مشرق وسطی کی صورتحال، ایران امریکہ مذاکرات سمیت اہم امور پر گفتگو ہوگی، دوطرفہ تعاون اور اعلی سطح کے روابط کے فروغ پر بات چیت بھی کریں گے۔
ایران کے وزرا اور دیگر اعلی حکام پر مشتمل وفد بھی صدر پزشکیان کے ساتھ پاکستان آئے گا، چیئرمین سینیٹ، سپیکر قومی اسمبلی، نائب صدر بھی ملاقاتوں میں شریک ہوں گے۔
اسلام آباد میں صدر پزشکیان کے استقبال کے لئے تیاریاں مکمل ہو چکی ہیں ، شاہراہ دستور پر پاکستان اور ایران کے پرچم لہرا دیئے گئے۔
اسلام آباد میں میٹروبس سروس آج مکمل بند رہے گی، میٹرو بس حکام کے مطابق صبح 6 بجے تا شام 7 تک راولپنڈی میں سروس بحال رہے گی۔
یہ بھی پڑھیں: ایرانی پاسداران کی قدس فورس کی اسرائیل کو جنوبی لبنان سے فوری انخلاء کی وارننگ
میٹرو بس حکام کا کہنا ہے کہ میٹرو بس سروس صدر اسٹیشن تا فیض آباد بحال رہے گی۔آئی جے پی تا پاک سیکریٹریٹ آج میٹرو بس سروس بند رہے گی۔
