واشنگٹن ( پاک ترک نیوز) امریکی صدر ڈونلڈ ٹرمپ نے ایک بار پھر ایران کو دھمکی دی ہے ،کہتے ہیں ایران معاہدے پر قائم نہیں رہا تو وہی کروں گا جو مجھے کرنا ہے۔
امریکی صدر ڈونلڈ ٹرمپ نے وائٹ ہاؤس میں میڈیا سےگفتگو میں کہا کہ جب تک ایران ہمارا احترام کرتا رہے گا، کسی قسم کی مشکل یا تنازع نہیں ہو گا۔۔ ہم مذاکرات کر رہے ہیں اور دیکھیں گے معاملات کیسے چلتے ہیں۔
امریکی صدر کا کہنتا تھا ایرانی بحریہ، فضائیہ، ریڈار اور لیڈرشپ ختم ہو چکی۔ ایران بڑے پیمانے پر ہتھیاروں کے معائنوں پر رضامند ہوگا۔ جوہری شفافیت یقینی بنانے کیلئے راضی ہو گا۔
یہ بھی پڑھیں: ایرانی صدر مسعود پزشکیان آج پاکستان پہنچیں گے
امریکی صدر نے کہا آبنائے ہرمز مکمل طور پر کھلی ہے۔ ایران آبنائے ہرمز کے حوالے سے بہت اچھا کام کر رہا ہے۔
برطانوی وزیراعظم کے استعفے کے بارے میں گفتگو کرتے ہوئے امریکی صدر نے کہا مستعفی برطانوی وزیراعظم کیئر اسٹارمر مسائل پر قابو نہیں پاسکے۔ اسٹارمر کو توانائی، امیگریشن بحران اور جرائم کی بڑھتی ہوئی وارداتوں کا سامنا تھا۔
