تہران ( پاک ترک نیوز) امریکی حملوں کے بعد ایران نے عراق کے شہر اربیل میں موجود امریکی اڈے پر حملہ کیا، بحرین میں امریکی ففتھ فلیٹ کو بھی نشانہ بنایا گیا آبنائے ہرمز کے قریب امریکی بحری جہازوں پر بھی میزائلوں اور ڈرونز سے حملے کیے گئے۔
آبنائے ہرمز میں امریکی افواج اور پاسداران انقلاب کے درمیان جھڑپیں ہوئیں ،ایران نے آبنائے ہرمز مکمل بند کرنے کا اعلان کر دیا اور وارننگ دی ہے کہ خلاف ورزی کرنے والے کسی بھی بحری جہاز کو نشانہ بنایا جائے گا۔
پاسدارانِ انقلاب کا کہنا ہے خلیج فارس کی فضائی حدود میں داخل ہونے والے ایف 16 طیارے پر میزائل سے حملہ کیا گیا۔ میزائل اور ڈرون آپریشن کا پہلا مرحلہ مکمل ہوچکا ہے۔امریکا آبنائے ہرمز کو غیر محفوظ بنانا چاہتا ہے ۔ ایران خطے کو گستاخ کیلئے جہنم بنا دے گا۔
اس سے قبل امریکا نے ایران کے کئی شہروں پر حملے کیے ۔
امریکی حملوں کے بعد ایرانی شہر میناب، سیریک ، ساحلی شہر بندر عباس ، بندرگاہ گرگان اور جزیرہ کیش میں دھماکے سنے گئے ، قشم اور ہینگام جزائر پر میزائل حملے کیے گئے
امریکی سینٹرل کمانڈ نے ایران میں کئی اہداف کو نشانہ بنانے کا دعویٰ کرتے ہوئے کہا ہے کہ حملے ایران کی بلاجواز اور مسلسل جارحیت کے جواب میں کیے گئے۔
دشمن کے حملوں کو روکنے کیلئے مغربی تہران میں فضائی دفاعی نظام فعال ہو گیا۔ خلیج فارس کے ساحلی علاقوں میں ہائی الرٹ نافذ کر دیا گیا۔
