اسلام آباد (پاک ترک نیوز ) پبلک اکاؤنٹس کمیٹی کی ذیلی کمیٹٰی نےحکومت سے موٹرویز اور شاہراہوں پر رفتار کی حد پر نظرِ ثانی کا مطالبہ کردیا یہ معاملہ پبلک اکاؤنٹس کمیٹی کی ذیلی کمیٹی کے اجلاس میں زیرِ بحث آیا، جس کی صدارت طارق فضل چوہدری نے کی۔
کمیٹی کے رکن رانا قاسم نون نے تجویز پیش کی کہ موٹرویز پر گاڑیوں کے لیے رفتار کی سابقہ حد 100 کلومیٹر فی گھنٹہ سے دوبارہ بڑھا کر 120 کلومیٹر فی گھنٹہ کی جائے۔اجلاس میں سیکریٹری مواصلات اور نیشنل ہائی ویز اینڈ موٹروے پولیس کے انسپکٹر جنرل نے بھی شرکت کی۔ اجلاس کے دوران کمیٹی نے وزارتِ مواصلات کے 2003-04 اور 2009-11 کے آڈٹ رپورٹس کا جائزہ لیا۔
