اسلام آباد (پاک ترک نیوز) وفاقی وزیر داخلہ محسن نقوی اور وزیر مملکت طلال چوہدری نے مارگلہ روڈ کی موٹروے تک توسیع اور سنگجانی انٹرچینج کے منصوبوں کا دورہ کیا، جہاں جاری ترقیاتی کاموں کا تفصیلی جائزہ لیا گیا۔
وفاقی وزیر داخلہ محسن نقوی نے ہدایت کی کہ دونوں منصوبوں پر کام کی رفتار تیز کی جائے اور تعمیراتی سرگرمیاں دو شفٹوں میں جاری رکھی جائیں۔ انہوں نے واضح کیا کہ منصوبے ہر صورت اکتیس دسمبر تک مکمل کیے جائیں۔
محسن نقوی نے ڈپٹی کمشنر اسلام آباد کو ہدایت کی کہ منصوبوں کی راہ میں حائل تمام تجاوزات ایک ہفتے کے اندر ختم کی جائیں، جبکہ
یہ بھی پڑھیں :بلوچ نوجوانوں کو لاحاصل جنگ میں دھکیلا جا رہا ہے، سرفراز بگٹی تعمیراتی کام میں رکاوٹ بننے والے دیگر مسائل بھی فوری طور پر حل کیے جائیں۔
سی ڈی اے حکام نے وفاقی وزیر داخلہ کو منصوبوں پر پیش رفت کے حوالے سے بریفنگ دیتے ہوئے بتایا کہ مارگلہ روڈ سے سنگجانی انٹرچینج تک منصوبے کی مجموعی لمبائی دو اعشاریہ سات کلومیٹر ہے، جس میں ایک انڈر پاس اور ایک انٹرچینج شامل ہے۔
محسن نقوی کا کہنا تھا کہ منصوبوں کی تکمیل سے اسلام آباد کے شہریوں کو موٹروے تک آمدورفت کے لیے ایک متبادل راستہ میسر آئے گا، جس سے سفری سہولت میں بہتری آنے کی توقع ہے۔
